«Спорт басылымдары федерациясы» Қоғамдық қоры

PWL кілемінде – қазақ балуандары

PWL кілемінде – қазақ балуандары

Күрес шеберлерінің кәсіпқой лигасы қазақ топырағына кілем «жайып», Алматы  төрінде PWL-8 белдесулерін өткізді.

 

Балуан Шолақ атындағы спорт сарайда өткен тартысты белдесулерде үш қазақ балуаны күресті. Өкінішке қарай, олардың екеуі жеңілістің кермек дәмін татып, біреуі ғана жеңіске жетті.

Еркін күрестен әлем чемпионатының 2 дүркін қола жүлдегері, 3 дүркін Азия чемпионы Азамат Дәулетбеков Беларусь елінің намысын қорғайтын, дағыстан балуаны Магомедхабиб Хадимагомедовтен басым түсті. Есеп – 4:0. Қарсыласы Токио Олимпиадасының күміс жүлдегері және Еуропа чемпионы екенін естеріңізге сала кетукен артық болмас.

Әйелдер күресінен Жәмила Бақбергенова да бақ сынап, қырғыздың қайсар қызы, әйгілі балуаны Айпері Медетқызымен белдескен. Өкінішке қарай, Алатаудың ар жағынан келген қонағымыз айласын асырып, жеңіске жетті – 1:5.

Кеш соңында, қазақ спорты тарихында, еркін күрестен тұңғыш Әлем чемпионы болған Ризабек Айтмұқан кілемге шығып, Американың сом білекті, даңқты балуанымен күресті. Қарсыласы 2016 жылғы Олимпиада һәм үш дүркін әлем чемпионы Кайл Снайдер болатын.

Тәжірибесі мол Кайл біздің жас талантымызға дес бермеді. Қара күші де басым болып, боз кілемде ойнақ салды. Қалай айтсақ та, 97 келі салмақ дәрежесі әлі ет жинай қоймаған Ризабек үшін оңай емес сияқты. Бұл жеңіліс (0:8) біздің дарынды жігітіміз бен оның жаттықтырушыларына сабақ болады деп сенеміз. 

Full PWL-8 Results:

  1. WFS 76 kg: Aiperi Medet-Kyzy (KGZ) – Zhamila Bakbergenova (KAZ) – 5:1 
  2. GR 97 kg: Kirill Maskevich (BLR) – Hayk Khloyan (ARM) – 5:2
  3. GR 77 kg: Aik Mnatsakanyan (BUL) – Sergey Stepanov (RUS) – 1:3
  4. MFS 86 kg: Azamat Dauletbekov (KAZ) – Magomedkhabib Kadimagomedov (BLR) – 4:0
  5. GR 97 kg: Gabriel Rosillo (CUB) – Magomed Murtazaliev (RUS) – 11:4
  6. MFS 79 kg: Ahmed Usmanov (RUS) – Avtandil Kenchadze (GEO) – 8:1
  7. MFS 97 kg: Kyle Snyder (USA) – Konstantin Pshenichnikov (RUS) – 7:3
  8. MFS 86 kg: Magomed Ramazanov (BUL) – Arslan Bagaev (RUS) – 5:0
  9. GR 77 kg: Akzhol Makhmudov (KGZ) – Ibrahim Ghanem (FRA) – 6:1
  10. MFS 61 kg: Zaur Uguev (RUS) – Gulomjon Abdullaev (UZB) – 11:0
  11. GR 67 kg: Slavik Galstyan (ARM) – Luis Orta Sanchez (CUB) – 5:4
  12. MFS97 kg: Kyle Snyder (USA) – Rizabek Aitmukhan (KAZ) – 8:0

Нұрғазы Жаппарұлы

Қолдау көрсеткен