Ташкент татамиінде қазақ дзюдошылары белдеседі
Өзбекстан астанасында өтетін «Grand Slam – 2025» белдесулерінің кезекті кезеңінде Қазақстан құрамасы барлық салмақ дәрежесінде өнер көрсетеді.
Ташкент төріне төселген татамиде төрт құрлықтан, 23 мемлекеттен келген 246 дзюдошы белдеседі. Олардың арасында Қазақ елі балуандары да бар.
Өзбекстан астанасында өтетін «Grand Slam – 2025» белдесулерінің кезекті кезеңі 28 ақпан күні басталып, 2 наурызда аяқталады. Бүгін Қазақстан құрамасының бапкерлері Ташкентте бақ сынайтын ұлттық құрама тізімін жариялады:
Ерлер құрамасы:
- Нұрәділ Әлжан (60 келі)
- Мағжан Шамшадин (60 келі)
- Ердәулет Бозша (66 келі)
- Ержан Еренғайыпов (66 келі)
- Есет Қуанов (73 келі)
- Бақытжан Әбдірахманов (73 келі)
- Абылайхан Жұбаназар (81 келі)
- Айдар Арапов (90 келі)
- Ермахан Әнуарбек (90 келі)
- Бейбіт Мәдиев (-100 келі)
- Марат Байқамов (-100 келі)
- Еламан Ерғалиев (+100 келі)
Әйелдер құрамасы:
- Ғалия Тыныбаева (48 келі)
- Диана Буркеева (-48 келі)
- Құндыз Жылқыбай (52 келі)
- Бақыт Құсақбаева (57 келі)
- Есмигүл Кұйылова (63 келі)
- Кристина Сотникова (70 келі)
- Аруна Жангелдина (-78 келі)
- Назгүл Маратова (+78 келі)
Естеріңізге сала кетейік, жақында (14-16 ақпан күндер) Бакуде өткен «Grand Slam – 2025» белдесулерінде біздің елден тек Ерасыл Қажыбаев (100 келі) жүлделі орынға ілігіп, қола медаль еншілеген болатын. Ал жыл басында (1-2 ақпан күндері) Париждегі белдесулерге ешкім қатысқан жоқ.
Айқын Жаппар
